Minung pakhat hi a ttangcho maw zetin theih duh si ahcun, a fimnak ah
zohthlu loin nu le pa a daw hna maw? Cun
a sayate hi a upat hna maw ti hi zoh a si ve.
Saya Le Hi Upat Ding An
Si
Biahmaithi
Hi capar ka tialmi hi keimah fimtuk le feltuk caah tialmi
a si lo. Cucaah pakhat le pakhat i zawnruahnak saduhthah he tialmi tu hi
theithiam buin rel ding kan nawl hmasat hna.
Asian
Ram Siangngakchia le Jew Miphun
Hi Asian ram chungMyanmar, Korea, China le Malaysia hna
ram hna hi sayate an thlam kha maw kan lamh suallai tiin siangngakchia nih
hrial in a kalmi an si. Hi hna an nun tuning hi ka zoh tikah ka uartuk hna. A
cawn zawn cawn phu asi. Nain atu ahcun mah bantuk cu, kan hmu bal khot heng ti
lo. Saya/mahte upat pek timi hi a um ti lo tiawk tluk khin hmuh a tlawm cang. Asian ram chungah hin saya/mah te nih siangngakchia
khi tuknak nawl an ngeih hna nain atu ahcun saya/mah nih tuk cu chim loin siangngakchia
tu nih saya/mah tetu ngiar an tawng cang ti bantukin tadinca(news)ah
kan rel hi a tlawmti lo.
" Tilawng aa let tikah pa le nakin saya le kha va chanh
hmasa hna " tiin cawnpiaknak pakhat a um. Jew miphun hna hi sayate upat
a thiam tukmi le an nun ah a kalpi mi miphun an si. Pa le nakin saya le khadawtdeuh an si ti duhnak siloin saya
le hmunhma dirhmun teah ttha tein upat ding an si titu kha chim duhmi a si.
Atu chan ahcun, saya tha le hi an tlawm cang ti a si. An chimmi
zong cu ruah awk ngai ding a si. Aruang cu phaisa hi vawlei cung mipi nih hmai
ah an chiah mi laakah pakhatnak a si caah a si. Nain zeitin asipaoh hmanh ah
saya cu sayate an si ko. Annih dirhmun hmunhma ah kan duhmi minung khi vasi ter
khawh an si lo. Cu caah, saya le cu upat hrim an hau.
Tangnga Lio Ka Saya
Hi he, pehtlaih in pakhat in chim duh. Hihi, ka sining kai
chorhhlei asi hrim lo. Voikhat Kalay in Hakha lei kan rak tlun lio ah, Lungbang
ah kan i dinh hna lio ah Tangnga ka kai lio i kan sayapa he ruah lo piin kan i
tong. Ka va chawnh hmasat nain a ka thei ti lo i ka chim tikah“aw… aw” tiin a lung a vun moi pah khin, akatheiti lo cu a
fiang. Culio ah, a chimmi pakhat cu
" Kafa, na thilti attha tuk. Kannih nih cun kan in theiti hna lai lo cu. Nan nih mino cu a tthang cuahmah mi nan si i nan muisam zong aa thlen tikah kan in thei kho ti hna lo. Cucaah, sual ka phawh hrimhrim hlah. Hitinhin, na saya na ton tik hna paoh ah va chawn biak penghna. Mah hi aharmi thil zongasi lo i nangmah thluachuah zong asi. Cun, sayate dawtna kna cham hna zong asi. Aruang cu, nangmah fim an rak in chimtu na saya le na philhlonak khan a langhter caah sayate kan thinlung ah a nuam, kan i lawm tuk. A ruah zong kan i ruahchan ngam lo caah hi bantuk thil hi cu, aho saya paoh nih an duh bakmi thil a i. "tiin a ka ti. Cu a bia cu, ka lung a hung ka suk ngai, a uar zong ka uar fawn. Cucaah ka saya paoh hi upat khawh ka zuam hna.
Nain minung, ka si bangin achelcaan ahcun ka sayate ka upat
khawh lonak caan hi atam pi ve. Nain upat hawh hna le chawnhbiak khawh hi ka zuam
peng mi asi. Minung pakhat hi a ttangcho maw zetin theih duh si ahcun, a fimnak ah
zohthlu loin nu le pa a daw hna maw? Cun
a sayate hi a upat hna maw ti hi zoh a si ve.
Mino pakhat nih a nunnak lamthluan ah a herh bak ve mi
pakhat cu, a sayate he biaruahtti hi asi. Sayate he biaruahtti hi kawlram siangngakchia
pakhat nih kan ttih bikmi rian asinain a rak ttha tukmi thil asi kha kanrak thei
lo. Sayate he biaruahtti a tthatnak hi chim ahcun atam pi. Cu laakah cun keinih
kaa cawn khawhmi cu, kanmah nak upa pawl he biaruahtti tikah tha dam tein kan i
ruah kho hna. Cucaah, mino pakhat nih cun a sayate he biaruahtti hi akal tak bak
lo ding thil asi.
Thil sining aa thleng thluamah mi vawleipi ahhin a chel caan
ah cun saya le nakin siangngakchia zong an rak thiam kho men. Nain sayate nih
hi A, B, C rel thiam dingin lungsau thinfual in cafang fonh an rak kan chimmi kha
philh loin an theih lomi kha lung sau tein chimh ve an hau.
Biatlang
komhnak
Saya le cu upatbak ding an si. Adangmiphun cu katikho lo.
KannihLaiminihhincun, kan zulh bak ding nunphung asi tiah ka ruah. Saya le nih thingkung
a nun khawh nakhnga, a ngan tikah a thei tlai khawh nakhnga tiin an thazaang chuah
in an rak cin. Cucaah, zeitluk asang mi kan phak tik zongah siseh kan nun khawh
nakhnga tiin fimnak arak kan petu kan saya le hi upat loin le philh sual hna
ding hi cu, nang zong zeitin hmanh in na ruat kho bal ve lai lo ti ka zumh. Kaa
lawm.
Salai Van Bawi Mang
10,11,14
10;29
PM
Mandalay
Theihternak
:Mah capar hi kawl cattial
thiam Chit San Win nih atialmi "Bawah Ei AhlahTaya" timi chungin le keimah
ruahnak he fonh in ttialmi asi.
No comments:
Post a Comment
Na ka len caah ka lawm tuk. Cun hi a cunglei na rel dih in,
A dang na hawi le sinah na ' Share ' khawh men hna lai ti zumhnak ka ngei.
" Tlawm tein rel ko law, tampi tuin ruah khawh i zuam "
Lunglawmhnak he,
Van Bawi Mang ( Chungkuh )
https://www.facebook.com/Chungkuh