Dum Cawngtujavascript:;

* Tlawm tein rel ko law, Tam pi tuin Ruah khawh i zuam *

Kan nih pawl cu, hawi dang bangin kan par zong aa dawh lo. Hawi dang, rim hmuih nak an ngeih lio ah kan nih pawl cu rim thawh nak a hmete hmanh kan ngei lo. Hi dum a rak zoh tu hna nih a dang pawl cu an thangthat len hna, an rim a hmuih ning le an i dawh ning khi an thangthat len hna. Nain kan nih cu a ho thangthatnak hna hmanh kan tong lo.

      Hi dum a rak zoh tu hna hi, kan hawi le rim a hmui mi le a zoh aa dawh tuk mi par hna lawng khi an thangthat len hna. Nain kan nih cu, hi dum chung kan um kaa in thangthat nak voikhat te hmanh kan tong bal rih lo. Nain, an cungah na lung a faak maw ti ahcun a faak hlei lo.

      Hi dum a cawngtu zong nih hin, kan nih pawl cu aw nem in zeitik hmanh ah a kan chawnh biak bal lo. Nifa tein mi nih an zoh cho( cunglei chiah mi ) hna lawng khi ti a toih peng hna i, mithmai ttha he a cawm hna. Mikip zong nih cu hna cu an thangthat hna i cunglei ah an chiah hna tikah dum cawngtu zong nih nifa tein a that khawh, aa dawh khawh chungin a ttamh, a tuaitam hna. Nain kan nih cu, zeitik hmanh ah mithmai tha kan tong bal lo. cu caah a kan cawng tu dawtnak cu kan herh ve hen ta.

   Chim ko ning law, Hi dum chungah hin kan nih pawl hi um hna hlah uhsih law, hi dum i aa dawhnak pakhat hmanh a um lai lo i, a dang a rim hmui mi hna an i dawh nak zong zei san a tlai hnga lo. Mikip zong nih hi hmun hi an rak panh duh lai lo. Kan nih hi, rim zong kan ngei lo. Nain dawhnak te cu kan ngei ve ko nain cu cu a ho hmanh nih a kan hmuh piak kho lo. Mikip nih hmu kho hna seh tiin kan haakau lo nain hi dum a cawntu tal nih cun, kan i dawhnak te hi cu kan thei piak ve seh ti kan duh. Dum cawngtu mithmai tha he nitin um kan duh ve.

 Dum cawntu nih cun, a dum chung um mi vialte cu tha tein a zoh khenh ding a si lo maw ? Ziah kan nih vial hi tiin a kan chiah kun, zei ruang dah a si hnga mu ?

  Tu i, kan nih rim hmui nak a ngei lo mi cu, " Hramh" pawl kan si.

     A cunglei i Dum cawngtu cu, Saya te an si i rimhmui par pawl cu " Cathiam " pawl an si. Cu laak i rimhmui nak zei hmanh a ngei lo mi hramh pawl cu " kan nih aa zuam len ko nain ( mi nih cuaisan lo mi )  tei nak a hmu kho rih lo mi " kan si. 

           Zeitin dah a si vawlei hi, Minung kan nunnak ahhin " Phaisa " maw a bia deuh maw " Fimnak " maw ? Si loah mi nih" upat nak" dah. Nain cu laak ahcuna cheu nih fimnak ngeih hnu ahcun mi nih upat a si ko tiin an chim len lai.

            Nain cucu, ka pom lo. Zei ruangah ti ahcun von kan zoh ko uh. Kan nih fimthiam nak ( ca lei ti loin ) kan ngei ve ko , kan mah tawk tein cun mu. Nain mi nih upat kan tong lo. Cu ahcun a cheu nih " Umtu zia nan thiam lo ruangah ti a si hoi lai ". A hman mi a si, nain umtu zia kan thiam lo tuk ruangah a si lo ti kha cu, nangmah le nangmah in i ruat law ka bia hi ka let than hnik ti kha, chim kan duh.

·         Zangfah tein ruahnak cheuh rak ka philh hrimhrim hlah mu, na ruahnak cheuhnak kha na ka dawt a si hlei ah kan laica na dawt kha a si chih khah. *

Lunglawmhnak he

Salai Van Bawi Mang ( Chungkuh )

·       

  Zangfah tein ruahnak cheuh rak ka philh hrimhrim hlah mu, na ruahnak cheuhnak kha na ka dawt a si hlei ah kan laica na dawt kha a si chih khah. *

Emial- avanforsmile@gmail.com

Web- www.chungkuh.blogspot.com