Kei le Ruahhang ( Lenhloi )

         '' Kei le Ruahhang ''

        Kan ngai dawtmi nain, kan dop mi thli aa dang cang rua mu. Zeitin dah kan ngaihnak hi ka phuan lai ? Chim ta ko hmanh ! Nain a poi lo titu tei hei rial ko ning mu. Zuun hla cu ka caah zaan riah chuncaw siseh law ka mitthli cu a caan a phak cun a car ve te ko lai. Na lungsia herh duh hlah dawtmi ... Nang, na liam cang hnu cun tlauh nak caan zong naa kal pi hnu cun, zeiti awk dah a tha mu., Dawtmi 

  '' Hi tin zuun hla an phuah hnawh chan a suallam zong kai fiang cikcek cang. Zei ruangah dah lileng nak hi a dang cafang zong an rak hman hnga lo . '' ka lileng '' tiin ka hmurkaa in a chuak ngam lo zei ruangah na thei maw ? Nain thei duh hlah dawtmi... Hi lileng nak kut tang i um cu a faak tuk , khuasik laak i ti va tongh he aa lo
         '' Aw ti cun.. kaa lileng i ka lungkuai " tiin ka dairy catlap ah ka tial. Zei ruangah na tial ka ti hna sehlaw ka bawlpen hal than ta a hau lai. 
Zei ruangah dah ka lileng i ka lungkuai ti a ruangah kaa fiang lo maw a si ka philh bia ti mi ka ruah lio ah ka hmai kaa i ka hunh mi hrai ( Zuu hrai ) nih
 " Na theih ko nain na theih ter lo " tiin a ka rak caah bia ka el ve.
 " A zei ruangah dah ka thei ter lo cu chim hnik '' tiin.
" Aw , kei hi ka zoh ngat .Ka chung i na rawn mi hi zuu ti na theih ko na bu ah ziah ti tiin ruah in cun na din " a ka ti caah a dongh nak ah cun ka thinlung biakhiah nakin '
' Kaa theih ter lo tu a si.A ruang cu ka dawt tuk mi nangmah na si caah '' tiin biakhiah a si, dawtmi. Cu tin cun zaan tlai thlapa sinah biakam nak biathli cu ka kuat .
          Caan cu a liam i par hna cu an uai ve. Cu lio ah khan ka thinlung cu a uai cia par bang in a rak til. Hnah car hna sinah a rak ttil men lai ka ti nain lei dip sinah a rak ttil. '
' Ziah kawp loin maw na rat ? " tiin lei dip nih a ka hal tikah
 " aw '' 
" Zei ruangah '' Na saksuh ngai ee, tiin leh ka duh nain 
'' Duhnak ruangah " tiin ka leh than. Leidip cu ' aw... ' ti phun khin a lu a khun nain a ka leh mi cu 
'' Duhnak ruangah cun hi ka hin cun na caah hmunhma a um lo '' tiin a ka leh. Zei ruangah ti ka hal hnik ah khin a kut dongin hmai le ah a tar mi catlap khi a tar mi khi ka hei hmuh. A fian pah lo caah tha tein cun ka hei zoh,
'' Duhnak ah ruahchannak par a uai kho lo. '' tiin.

Chungkuh
18/4/14 ( 9:41 PM )