See You Tommorow
Hi vawlei kan nunnak ah hin kan palh tawn maw
a si, kan ruah theo tawn lomi hi ka ruah ah ka lung si a vang. Zei ruangah ti
ahcun kei hi ka kum nih a no tuk fawn rih. Ka um tu ning nih le upa step phun
in ka um fawn. Na thiam mi zeidah a um ka ti hna sehlaw zeihmanh ka thiam mi
nih le a um fawn lo." Ziah a si kun
ah, hi bantukin mi caah cawnpiak nak ca lawng te hna hi na ttial, nain nangmah
nih le zeihmanh na si fawn lo " tiin ka hawipa pakhat nih a rak ka ti. Cu
lio ahcun ka let kho lo. Kei zong a si khe tak ti phun khin, khua zaza ka ruat
i ka um. Cu a ka ti thla khat hrawng cu, cattial duhnak thinlung zong ka ngei
ti lo. Nain sau a rau lo, ka lungah a hung chuak mi cu
" Vawlei cung cu tlamtlin lonak ram a
si bantukin ka tlamtlin ve lonak a si. Cun mi caah, cawnpiaknak ca deuh lawngte
ka ttial hi kei cu zeihmanh ka si lo nain mi hi ka cattial mi thawngin mi caah
thatnak a tuah kho mi zong an um ve men ko. Cun hi ka ttial hnu ahcun ka
thinlung zong keimah le keimah tein kaa thei deuh " tiin ka ruah hnu
lawngah cattial duhnak thinlung a thar in a hung sem than.
*********** *********
Ni khat ah, ka hei vaak sawh i zei
tuah awk hngal loin Game tal i celh ning tiin ka ti i ka hawi le dawr ah ka
kal. Cu Game ka celh dih in cun ka rak chuah tlawmpal ah ka hmai kaa ah nungak
pahnih an i chon len mi khi ka hei hmuh. Cun kan lam aa khat tikah cun an kiang
( hriang ) tein ka kal i , aa hmuh lonak a sau tuk cang mi hawikom an rak si.
Cu ah a tu lawng hi an i ton than a si. Cu tikah pakhat nu a hawinu nih a chim
mi cu
"
ka Dua, kei cu ka zawtnak hi thlop khawh phun a si ti rua lo nain ka nu le ka
pa hi an lungfah ter ka duh lo caah hi tiin kaa chok len hi a si "
"
Hei chim duh hlah, mah tham cu na dam colh ko lai cu, hmailei nunnak caan tampi
na ngeih ko cu, ngaihchiatnak ding bia cu chim duh hlah " tiin a ti i pakhat le pakhat an sining kongkai
le an i hmuh lo caan i an I ngaihnak kong hna cu an i chim i , lamthen a von
phak tikah cun then ding a si cang i, pakhat nu a hawi nu nih cun hmaipanh tein
"
Thaizing kan i tongthan te lai mu, hawi…..See You Tommorow " tiin a ti
tak i an i then.
A thaizing ahcun, nizaan i ka
hmuh mi hna ah pakhat nu kha ka hmuh than. Cu caan ahcun nizaan bantukin a
hmaipanh mi ka hmu lo. A lam kal hna zong cei nawn in a kal. A hmai ah
ngaihchiatnak lawng tein a khat ko. A hnu lei in cun ka kal ve i tlawmpal ah
phone awnh thawng ka theih i keimah phone a si rua ka ti nain a mah phone a rak
si.
"
Hello, aw ka si ko………aw kei zong ka zum kho lo. Tu hi an inn lei in ka rak ttin
a si. Ni zaan ahkhan pei pakhat le pakhat kan i capo i kan i nuamh ning le ka i
hmuh mi a thlum ning kha, ka ruah ahcun ka celh hrim lo …………." tiin a chim
hna i a hawi le cu. Cu tikah a bia ah ka ruahmi cu nizaan i a hawi nu kha a si
ti kha ka theih. Cu tikah cun ka ngaih a chiat ve ning hi ka celh lo.
Hi hna pahnih hi ka thei hna lo
nain, an mah nih an ka cawmpiak mi cu " A hlan ahcun hmailei
nunnak timi hi lamhlat pi ah ka ruah i thaizing timi cu lam naih te ah ka rak
ruah. Nain cucu a rak palh mi a si. Thaizing timi cu aa hlat tuk mi a si i
hmailei nunnak timi cu tu zong hi a si kho timi kha ka rak ruat bal lo.
Cu caah, tu carel mi nangzong
zeitin dah na ruah ve hnga cu, ka thei lo. Kei cu tu kan ttuan lio mi caan te
ahhin nuam tein le nu le pa, khoptthi rual hawi he nuam tein lentti hi ka duh
bik mi a si. Pakhat le pakhat i hlen lo, i deh lo tein le lih bia chim loin mi
caah kan ti khawh tawk te bawmhnak cu bawmh i zuam ding a si ka ti. Cu cu kei
zong a caan kip ahcun ka ti kho lo. Zakhat chungah pakhat te tuah kho dingin
timhnak ka ngeih mi a si.
" Cu
caah, tu hi ttuan in thaizing timi bia cu chim chiat mu ? "
·
Zangfah tein ruahnak cheuh kha ka philh hlah mu. Cu
ruahnak na ka cheuh mi nih khan kei mah dawt lawng si loin kan laica holh na
dawt zong a si chih ti ma philh hlah mu *
Lunglawmhnak he
Salai Van Bawi Mang ( Chungkuh )
Email- avanforsmile@gmail.com
No comments:
Post a Comment
Na ka len caah ka lawm tuk. Cun hi a cunglei na rel dih in,
A dang na hawi le sinah na ' Share ' khawh men hna lai ti zumhnak ka ngei.
" Tlawm tein rel ko law, tampi tuin ruah khawh i zuam "
Lunglawmhnak he,
Van Bawi Mang ( Chungkuh )
https://www.facebook.com/Chungkuh