Lenhloi
|
ka lung a faak tuk
ko nain ka mirh. Cu ka mirh cu, sullam tampi ngeih in a si lai. Nain cu ka
mirh cu, vawlei cungah hmuh a har tuk mi a si. Cucu lungfahnak le
ruahchannak kar i ai thup mi mirh asi.
|
Nawlnak _ t.
kha " ` " in asi lai caah ruah zia nan ka
thiam nak lai kan nawl hna.
|
|
|
Thinlung Mifir
" Zeitin… zeitin… ee, ka dawt "
" ka dawt zong, ka ti hlah! Na dawt zong ka si
lo."
" Aaa, na ka capo mi asi ko lo mei dawt, " tiin a
kut cu ka von fuh cu,
" Ka tong hlah! Capo zong kan capo mi a si lo. Nangmah
pa hrim hi a fih in kan fih, na thei ma ? A duh zong kan rak in duh bal lo, um
harphen ah tiin kan rak in duh ter sawhsawh mi na si ? "
" Aaaa…,zei hen si ? biatak tein ma na chim ko helen,
tu hi na umharphen men ahmaw na ka duh ? Chim `han ta rih hmanh voikhat tein
"
" aw si, nangmah bantuk hna cu a duh zong kan duh sual
lai lo. Nangmah pa hna kan duh tak sual sicun ka hruh bia tu a si lai .
" tiin a ka ti hnu in a kut ah ka
tlaih rih nain ka kut hna cu thazaang an ngei ti lo. Lunghmuih tein cun a kut
cu a thek pah i a laan thluamah ko. A hnu lei in cun, a hnu lei voikhat tetal arak
hoih ta hnga maw tiin ruahchannak he ka zoh nain zoh than cu chim lo, avang kar
tu a rang deuh deuh.
Tunai, hi hmun ah
a chim mi bia pawl cu pawngkam sinah hlonh tak khawh si loin, ka thinlung le ka
thluak thihri hna sinah a zelh in an i zelh cang. Aaa….zei ruangah dah a ka
huat hnga ? tiin keimah le keimah cu ka hal nain ka palh nak cu ka hmu lo.
" Um harphen in kan rak in duh mi a si ? " tiin, mah bia ka ruah ah
ka celh bak lo. A faak khun, nain tuarzia thiam loin ka `ap.
Hi Lenhloi hi na ka rel piak caah ka lawm tuk.
|
Hi Lenhloi hi na ka rel piak caah ka lawm tuk.
|
Cutin, thlahnih an liam cang.
Nain, kei nu ka hmuh hna ahcun ka `ih bak cang hna. A hlei
in ka thinlung a rak khuai tu Helen kha.
Inn ah ka kual caan a sau tuk cang. Rianttuan zong ka zuam
lo. Nain hi tin cun, a tha lo tiin leng ka chuak ka vak tiin caan tam ka von
hman i Helen cu philh lei hram ka von thawk cang. Voikhat training kai ka kal
pah khin, ka hawi nu ( Helen a hawi ) Suite cu ka hmuh.Ka ngai tuk nain Ka hmuh
bakin ka `ih cia. A ruang cu capo a `hawng tuk. Cu hlei ah, mi virhkhoih ti le
bia vaivuan chim cu achuah pi bantuk khin a chim dih khawh.
" Hey, Van Bawi zeitin na si? Nangmah lawng ma ?"
" aw, keimah lawng ka si lo cun kan Uico lucky he ma
kan si lai " tiin ka vun kot cia.
" Aaa, nang cu ton lo nak sau ti ah bia `ha tein hal mi
"
" aw aw…. A ka seh cang hoi lai tiin pei kan ruah cu
"
" zeitin, na siangpahrang nu cu tah, ka hmu lo ee
" Maw ka thin. Hi tluk caan saupi
ka philh cang rua ka timi tu ah ziah mahtluk cun ka thin cu tur hoi hnga ? Ka mithmai ah a mah a rak cuang ko. Mit au zia thiam lo khin a ka tuah. Theseh
ram car bangin a ro cangmi ka thinlung, a min ka theih than sin vawlei cung
nawn `ha biknak i a parmi pangpar bang a hninhno `han. Maw Helen, kan rak in
duh tuk hi ka fiang chin lengmang.
" Hey, ticun na um ? zeitn nan sinpi lo ma ?"
" Aa chim ding zeihmanh ka ngei ti lo, tu khoika na kal
hnik ? "
" Training ka kai ve hnik ko hih, heheh nan piat cang
dara "
" He! Umm…..a ka kal tak cang. Amah caah cun kei tham
cu, a umharphen menmen pei ka si ko cu. " tiin ka chim pah in ka lunghno
nak cu a zual chinchin. Nain ka thlauh kho bak lo. Ka mitthli a haa thluamah ko
cang.
" Aaa, si tak ma ? zei ruangah dah nan i `hen ? "
" Aaaa Suite, mah kong cu na ka hal ding a si lo. Ka
kal cang lai. Ka lunglam a faak " tiin bia ka `hial tak nain, ka kut ah a
ka tlaih i " Rah! Kaa lei khi ka zul ta, chitkhat " tiin a ka auh i
Hlakphak dawr ahcun a ka `hut pi.
" A ruang um loin, kan i `hen cang lai tiin a ka ti ko.
Cu hrawng cu, zei hmanh palh nak zong ka tuah sual bal lo. Nain ticun a ka ti
i, a zei hmanh poi loin a nih pah in a ka kal tak ko. Ka celh lo ning hi, a `ih
hrim ka `ih cang ko. " ka chim pah cun, um zia thiam loin ka thihri hna cu
a ka dawh.
" Sicun, tak ah Helen kha a duh ta, na duh taktak maw ?
"
" Aw, mah biahalnak hi keimah le keimah ka hal tawn mi
a si. A duh cu, ka duh taktak ko ticu kai pheh kho lo. Nain, a nih cu a dang sinah pei a nuam cang ko lai
cu "
Suite cu ka zoh
i, a mithmai ah a nuam lo ti a lang. Ni dang, a hmai ah sui bantukin a ceu peng
mi nih tuni chun cu zaan bantukin a mui mi ko khi a lo.
" Sicun Van Bawi, tu ahhin Helen sinah kir `han ding
silaw na kir `han lai maw ?
" Haa! Suite na biahal cu ka thin na fah ter. Hal ding
um lo ahcun ka hal duh hlah" tiin ka thinhun buin ka leh tikah, Suite cu a
mithmai a `ha lo.
"
Aa, Van Bawi zangfah tein mu ka chim ko. Tuhi, rak kir `han ko inti sehlaw na
kir `han lai maw ? " Haa!
Zeibantuk bia dah a ka hal hnga ? Si ah, tu aka hal bantukin sitak sehlaw ta,
zeitin…, Aaaa! Silo le silo ruat hlah. Nain ka ruat ko. Ka mithlam ah Helen
lawngte a cuang ziar cang. Kai pheh lo. A sinah ka kir bak ko lai. Ka thinlung
hma nih a ho hman he damter a duh lo. Hma a ka chunh tu Helen sin lawngah ka
thinlung hmape damnak ding sii`ha a um kha, a ruahchan i a hngalh. Ticun, ka
ruahnak a vakvai caan sinah Suite cu ka zoh i, hi tluk in maw a kan dawt.
Hawikom sinah dawtnak a ngei tiin ka von zoh i
" Tu ahcun, hun
ka ti taktak ko sehlaw cu "
" He! Zeitin anti …" tiin ka hawipa Lian ~ha a rak
phan ko. Kal! Ni dang vial ah rak phan lo i atu, Helen sinah nawl pat `han ka
timh caan ah na rak phak tiin `hawl ko khi ka duh. Nain,
" Hehehe…zei kong hen nan i ruah ka chim tuah uh!
Hehehe….. ka hin, pauhsi le coffee
hraikhat " tiin ei cak pa kan ti
hrat cu, kan nih hmanh kan phaisa ngeih lo he, kan i cah mi hmaikhap loin tam
ngaite man ai cah. Cu ahcun Suite he cun
kan i zoh a hodah a zam hmasa lai ti kan i bawh ko. Tlawmpal ah,
" Phang duh hlah uh! Tuni cu kei nih kan dangh ko hna
lai. Nan duh zat in ei uh " tiin ati pah khin a zal chungin cun a kuak cu
a chuah i, khuazei maw mirang lei step bangkhin a zuk ziar ko.
" E takah, Helen he khan nan sinpi cang ma ? "
Aize! Mah peng. Suite si zongah Helen, Lian ~ha
zong ahlei lo, Helen kong lawngte an ka hal ko. Ka let bak hna lo.
Tlawmpal ah, Lian ~ha a kut cu ruah lo piin Suite sinah a rak phan.
" Dawt! Zoh hmanh Van Bawi zaangfak a um ning hi "
ati i, Suite zong nih alu akhun bak ve ko. Ka khuaruah a har tuk. Ka vun hal timh ah, Lian ~ha cu
" Aa…aa…aa.. ka paw fak, pongkal ka duh " tiin ati
pah khin a zal cu aa laak i a zaam diam ko. Kan sam cu van ah aa lim cang ko.
Pakhat le pakhat kan i zoh ah nihchuak khi kan si. Kan zaal cu kan i dah veve.
Van `hat ah, kan pahnih fonh in kan ei
mi vialte a huap i zakhat a hlei chap caah kan lunghna a ngam.
Tlawmpal kan hlakphak cio kan vun din
dih khan, a zaal chungin cabawm pakhat a rak chuah. Cabawm tecu, a `hing ngai
cang.
" Mah hi, nangmah an in kuat mi asi. Tuzaan ah va rel
law na rel dih in phone rak ka chawn te.
Kei kan `in tak rih lai. " tiin a ka ti i, a `in ve ko. Zei ca, dah
asi ti zong ka hal hmanh lo. ' aw aw'
tiin ka ti i cabawm cu, ka vun on i ' Catlap rang mi pathum a rak um ' ka vun
chuah cu, pakhatnak ah
" To – Ka `a Van Bawi
Ka `a, Na dam tawn
ma tiin hal ding hmanh hi ka caah a har tuk cang. A ruang cu na theih cia
bantuk kha a si ko. Cun, kan ngai tuk tiin inti ninglaw na nih buin na ka hro
lai. Zei rel loin na ka um hnawh cang lai. Nain, sual kan phaw ngam lo. Keimah
le keimah tu sual i phaw ko ning maw.
Tu bantukin na
sinah, ca kan rak `ial hi na ngaichih cang ma tiin lung awi tak khin na ka ti
lai ti cu ka hngalh ko nain, kan ngai tuk. Ka sum kho hrim ti lo ka `a.
Zaangfah tein, na ka chim kho hnga maw ?
" Biatak tein na ka daw ma ? " Ai ma kha asi lo. " Tu hi,
Huat in na ka philh cang ma ? " Mu,…?
Kei cu ka `a,
kan philh lo. Dawtnak he ka sinah na rak kir kho ti hnga maw ?
"
A cunglei
bantukin, keimah min maw a si adang mi min dah tiin lungaw`awm in ka um. Ka rel cu, ka lung a faak tuk ko nain ka
mirh. Cu ka mirh cu, sullam tampi ngeih in a si lai. Nain cu ka mirh cu, vawlei
cungah hmuh a har tuk mi a si. Cucu lungfahnak le ruahchannak kar i ai thup mi
mirh asi.
Catlap
pahnihnak cu, ka vun kau `han tikah
" To – Mi molhpa ka `a van,
"Vawlei
cung mi molh thim "tuah ka ti hna sehlaw cu, nangmah kan thim hnga ?
A cunglei bantukin, a`ial mi ka hmuh tikah ka nih lam achuak
nain, sau ka ni lo. A ruang cu, kan rak len`i lio caan i hngakchia bang a nuar
le aherh lo le herh loin biahal ahman mi kha ka ruat `han i, athli tein ka
thinlung chungin ka ngai.
A pathumnak catlap cu, ka vun kau i, a hram thok ahcun ka
khuaruah a har.
To – Thinlung mifir
Nang cu, ka thinlung na fir caah
thawngthlak na si cang lai ka nunnak ah.
Minutes
pakhat thongchung na um dih khan, Ka nunnak ral vengtu dingah ral bawi rian cu
khinh `han na si.
Cu caah, cu
na rian cu `uanvo laak dingin hun i thawh cang.
Nain, atang lei zulhphung hna hi zulh ding asi lai.
1. Ka
thinlung kha na dawt lai.
2. Ka
thinlung kha a ngeih na chiat ter lai lo.
3. Ka
thinlung kha na dawt lai.
A cunglei bantukin, ca cu ka rel tikah mah le lunghmuih tein
cun ka mirh. Nain sau ka mirh hlei lo. A ruang cu mah ca hi, a ho sinin dah a
si? Keimah an ka pek mi cu si ko kaw, a ho sinin dah asi hnga tiin khua zaza ka
ruat len. Suite cu phone ka call nain a lut kho lo. Ticun, aliam cia caan sinah
kir in chun lai ka mangah Helen cu, ka nupi si dingah apa nih aka pek.
Nain………..mang le atak cu adang cang ai.
Zaanlei zilthli hna sinin, arak choi tawn mi
dawtmi Helen awnem thlahnih leng theih loin ka um nak asi cang. Nain tuzaan
theng, ka thinlung ah maimomh bu bangin ka thinlung thihri pawl cu azelh dih
hna.
Ka phone cu
ka laak i suite sincun, ka call sau onh loin aw chia nawnte cu " Zei ? Ka
ei lio" tiin a hmur amanh lo bu khan aka let caah ka chiah `han. Rawl a ei
caan cu ka hngah i chitkhat a si ko nain caan saupi an liam cang rua tiphun
khin ka um. Aruang cu, hi ca hi ' Helen ' sinin si hnga maw ti ruahchnanak he a
si. Ka vun call `han cu " Khah! Kan
inn pawng hlakphak dawr ah khan kan hngah ko hih. Ra zok a ran nakin "
tiin ralkap bawi bantukin order aka pek ko.
Eiu, ka ti i ka lek cawlh ve. A ruang cu……………????
Ka vun phak
cu, ka lau tuk. Zoh hmanh uh! Tunai kha inn ah ka ei lio ati nain atu acah mi
hi cu, zoh tikah lungdongh bak asi. Mi hmaikhap lo cun, tunai ka paw khim pah
lo caah ka vun ei ta ko hi tiin a ka ti pah cun `hutnak cu a ka pek. Cutin cun
sau nawn biaruah lo cun, a ei mi cu ka hngak ko. Ni dang khi siseh law cu, ei
na pawkau le …. Zei e tiin ka hrocer lai i ka kal tak cang hnga ? Nain, tuzaan
cu
" Kha kha.. na duh paoh chungin i cah, kan dangh lai
" ka ti beh i
" Si tak ma, ka hin…Shine khauhshwe puai khat in "
ati rih hoi ko. Aizaw! Ticun ticun a
rawl ei cu ka hngak ko.
A hmur cu, avun i hnawt pa khin,
" Zeitin, ca cu na rel dih cang ma ? " van`hat ti
pah khin
" aw aw rel dih! Ka khuaruah a har tak , mah kha ho ca
dah a si " tiin aho nih dah aka pek ticu ka ti ngam lo.
" Imm, mah kong kha kan chim lai ma tiin ka ruahnak tu
he hin cun thlakhat le cheu asi cang. Nain kan chim lo. A ruang na thei ma
"
" Thei lo,zeitin …" tiin lungtur in cun kavun hal
" Mah ca kha, Helen nih na caah a `ial mi ca asi "
" Hnga…! "
" Aw…,asi. Helen nih an rak in duh tuk i `hen an rak
siang lo. Nan rak i `hen zong kha na caah a `ha lo ati i aho hmanh nih theihter
lo dingin biakamnak a kan tuahter caah kan rak in chim hnga hna lo."
" Aa.. Suite, capo na chim ahcun `ha tein chim ko, ka
ni ko lai. Nain hi bantuk hi cu capo nakin ka hmang tuah hlah. Asi. Helen cu ka
uar tuk. Amah nih a ka fih i a ka kal tak.Na thei cang ko lo mei. Cu caah a
herh loin ka capo hlah " tiin thinhun takin ka au hnawh hnu ah kal ka tim
" Thu rih! Capo cu ka chim nain a caan lawngah chim
dingin ruah khawh nak ka ngei ve ko. Cu caah "
"Cu caah ticu…"
" Van Bawi! Zaangfah tein ka bia cu na ngai kho lai lo
ma " tiin ka kut cu aka tlaih..
"Mu, suite kei cu hi bantukin cun ka capo hlah. Thil
adik ning tein na ka chimh sicun ka lawm ko. "
" Aw tu ka chim mi hi `ha tein ngai law, na theih fian
ko lai.
Thil sining
cu,
-----------------
Zinglei ka
tho rih lo. Ka phone onh thawng ka theih i ka vun tlaih cu, Helen sinin
asi. An inn rat dingin a ka sawm i, chun
ah ka va kal khawh. An inn ka va phak cu, a mithmai a `ha lo. Ihkhun cungah a
rak zau ko. A pawngah anu le pa an rak um i an mithmai ah nuamhnak a lang lo.
" Zeitin na si, Helen ? Na dam lo zong na kan chimh lo
" tiin ka vun hal cu, anu le Helen cu an mitthli a tla thluamah ko.
" Ka fa, na hawinu cu adam kho ti hnga ma tiin
hnabeidong in kan um ko. Tu hi a dam lonak hi a sau tuk cang. Nain kan nih kan
sining hi cu na kan theih bangin aho bochantu ding zong ngeih loin kan um caah
azawtnak cu atu hi a puang chin lengmang cang. " tiin a mitthli he aka chimh
ahkhin Helen cu thlalaang kutkaa lei hoih in a mitthli cu a hnawt len.
" Kan zoh ko hih ka fa, nang cu kan chungkhar bantukin
kan in dawt ve i kan sining zong cu na kan theih ko. Apa zong hi zoh ko, tu hi
siizung ah thlop `han ding asi nain kan thlop kho ti lo. " tiin anu nih aka chimh. Ka ngaihchiat pi ve
tuk hna. Nain kei nih cun ti khawh mi zei hmanh ka ngei lo.
Anu le pa inn
leng an chuah hnu in, mah le keimah lawng tein bia kan i ruah.
" Suite, Van Bawi he kan i `hen cang, an chim ma ?
"
" Hnga? Biatak
tein ma na chim ko "
" Aw si, nizaan kha kan i `hen cang lai tiin ka ti i,
alungfak tuk rua ka ti. Ka nuam lo."
" Aaa na palh bak ko Helen, mah tluk an duh dawt mi
aruang um loin na piat cu, na palh hrimhrim ko ka ti. "
" Aw si, ka palh ko "
" Na palh na theih sicun, ziah na sining na chimh lo.
Takah, na duh ti lo ma, hnga ? "
" Aaaa, ka duh tuk caah pei ka piat mi asi ko cu, ka
zoh hmanh. Mah tluk pum tlamtlin lomi ka sinah um peng sehlaw ka nuam hnga ma ?
Anih cu,ruahchannak tampi a ngei. Kei cu, caan sau a tlonleng ding ka si ti lo
hi "
" Ticun, ti ding si lo. Na dam `han colh ko lai. Nain
hitin na phiat mi cu a `ha lo "
" Keimah caah cun, ruah ding asi ti lo. Amah anuamh
paoh kha ka nuamh nak asi ko. Cu caah mu, Suite kan nawl bak ko. Zaangfah tein
hi ka piatnak a ruang hna hi zeitik hmanh ah cun, aho sin hmanh ah ka chim hna
lai lo tiin biakamnak na ka pek kho hnga ma? " sau nawn ka ruat. Nang, kha tin na um lai kha ruah ah ka
lungtling lo.
" Mu, kan nawl. Na hawi ka nuamhnak dingah, mah tetal hi cu na ka tuah piak kho lai lo ma
? " ka aw`om cang. Hitin, ka hawi
ihkhun cungah dam lo na buin alung nuamh lo ter ding cu ka siangfawn lo. Cun
nang zong zeitheih loin na lungfah tuar lai ka ruah ah um zia ka thiam lo. Nain
cu ahcun ruahnak pakhat ka khiah.
" Aw Helen, aho hmanh ka chim hna lai lo tiin biakamnak
kan pek nain, nang nih kan hal mi pakhat na ka chimh lawngah hi kan pek mi
biakamnak cu ka feh ter ve lai, zeitin ?"
" Aw aw….chim, na chim mi paoh ka lu kan khun piak cia
cang ko "
" Aw ka lawm, tu Van Bawi atuar hi na zaangfak lo ma ?
Cun, na dam tikah na daw `han ti lai ma ? "
" Na ka zum lo ma, Suite ? Hi tluk ka duh i ka dawt mi
vawlei cungah aho dah an um ti hnga. Ka va dam lo zongah ka thihtiang hi ka
thinlung chungah anih caah hmun zakip cu ap cia asi. Cun ka va dam sual ahcun
amah hlei in hi ka thinlung hi aho hmanh nih an uk kho lai lo. Cucu ahman mi
zong asi i a zungzal in asi ding ka sining asi. "
" Sicun, kan biakamnak cu hmun seh mu "
Ticun, nikhat
hnu nikhat an hun liam thluahmah. Helen a zawtnak cu a vun zual deuh thluahmah.
Siizung kai ti ah le sii-man liam awk phaisa a um lo tikah, inn ah a um mi
sii-tlang tein kan thlop.
" Cuntah.. ? Zeitindah asi Helen cu " tiin um
khawh loin ka vun hal ? Nain ka biahal mi cu a hnakhaw chungah a lut rua lo.
Kei vial lungretheih in ka hal mi anih cu a chim mi bia cu pelh zulh in a chim
rih ko.
Helen te
chungkhar hi zoh ah zaangfak tuk an si.
Amah nih ihkhun ah akual, cun apa nih dam loin inn leng tiang hmanh hi
duhsah in achuak kho mi asi. Anu lawng hi
a dam mi asi. Nain leng chuah in rian `uan ding ahcun caan a ngei ti
fawn lo.
An inn ka kal zong hi, ka nuam kho ti lo. Zei ruangah ti
ahcun ka hawi harsatnak a ton lio caan
ah abawm kho tu ding dirhmun ah ka dir lo tikah ka ning azak tuk. Nain, nikhat
ah Pathian nih aremruat lo ati caah, Ram dang phan an khua mi hna sinin an
chungkhar in va thlop hna sehlaw a dih mi cu kan va nih kan liam dih tiin ti
thawng kan theih. Cu lio caan cu, an chungkhar cu chim loin kei man hmanh ka
mitthli donh cawk asi lo. Ka nuam tuk. Cun Bawipa sinah ka lawm tuk fawn.
" Cuntah… zeitin chim zok hen, Helen cu siizung an
thlop in a dam ma ? " cu ka hal lio
caan cu vawlei cungah zeibantuk caminpuai hmanh ka phit ter hna sehlaw ka
thinphang lai lo dah. Nain hi lio caan hi vawlei cungah ka thinphan bik caan le
ruahchannak nganpi he, ka nunnak le ka taksa dih laakin ka ngaihlah bik caan.
Nain, cu lio caan ahcun zeitin dah aka leh hnga ti hi ka thlacam asi lo. Bawipa
Helen hi dam tein um khawhnak caan hun pe law kei hi na duh ningin rian ka fial
ko sawh tiin ka thlacam asi.
" Aw, ….a thlop i Helen cu "
" Zeitin, Helen cu "
" Helen cu a um ti lo "
" HaaH!……….., biatak tein ma Suite…Aaaaaaa " tiin
faak piin ka au i dawr chung a `hu mi pawl an mit cu ka sinah arak phan dih.
Nain cu lio caan ahcun
" Ka um ko, zungzal na pawngah ka um ko, ka `a "
ka liangah daihnak aphortu kutnem arak phan. Cu aw nem cu ka theih tuk mi awnem
asi. Sii…, Ka hnu lei cu ka vun i her cu woo.. asi taktak ko. Ka dawt venus
Helen arak si taktak. Bawipa ka mang maw asi. Ka mang asi sual hmanh ah
chitkhat cu ka `hang rih hlah mu.
" He! Helen…ai! Si lo. Ho na si ?"
" Na ka philh cang ma, ~a Van " Asi tak ko. ~a Van
tiin aka au tu cu vawlei cungah amah Helen pakhat lawng asi nain, tunai suite
nih a um ti lo ati kha. Ka vun zoh ta. Nain sau ka mit ka chia lo. Keimah le
keimah hmanh ka zoh ngam lo. Cun azum lo kaa zum lo.
" Zeitindah si Suite, tunai kha a um lo na ti lo ma ?,
chim tuah ma hi ta " tiin ka kutdong in ka vun piah tikah
" Aw si ko "
" Sicun, mah hi ta "
" Mah zong hi Helen asi ko "
"Sicun, a um ti lo na timi kha ta "
" Aw… mah kha cu, siizungah a um ti lo kan va kal cu ka
ti lai ka ti i na hnawh tuk hen cu "
" Sicun takah, mah hi Helen maw …" Ka bia a dih hmanh lo. Ka hmur ah adang hmur
pakhat nih a phih. Ka mit cu thial nak thei loin arfi le thlapa tiang a hmuh
dih hna. Ka bia cu ka peh kho ti lo siloin hi caan hi liam ter ka siang ti lo.
Anuam tuk. Cun, ka mitthli cu a vun
luang thluahmah. Nan thei maw ? Kha tluk kan fih tuk tiin arak ka titu, vawlei
cungah ka `ih bikmi le ka duh bikmi nu nih hi bantukin avun ka dawt hi aho nih
dah lawmh loin aum kho lai. Chitkhat cu ka mitthli luang ta ko seh.
" Um! Minute
pakhat atling cang rua ka ti. " tiin au thawng ka theih mi alo ka ti i ka
mit ka vun i au cu, ka pawng te i adir mi Suite. Cu ahcun ther le phang in
ahmur ahnawt len mi ka dawt Helen. Kan pawng kam in kut bengh thong he a mirh
mi unau rual hna. Ka zoh hna ah ka ningzak pah. Nain ka nuam tuk.
" Helen, ka sinah na rak kir taktak ma ?"
" Hey! Hnu ah hal `han angah lo ma ? Zeihmanh thiam mi
um loin mi tuah cia ah, lawmh zong theih lo. Ka lawm zong na ka ti lai lo ma ?
"
" Ka lawm ticun, kan ti duh lai lo. Nain hehehe…. Ka
hin, Coffee Aye hraikhat in " tiin
ka cah piak i kan rak ttin. Nain Suite cu,……..a darling cu mah …… hi asi ko.
Cu zaan, zaan thlapa pum te cu panh
zirziar tein amirh. A mithmai ah lawmhnak in akhat. Caan saupi a `hen i tuzaan
in a thar in ser`han asi mi dawtnak lam ah lawmhnak he amirh. Zaan tlai sin thilzil cu kik nawnte khin a
vun hrang, dawtmi kutnem he fek tein
atlai mi ka kut. Lum sirmar.
" Dawt, biapakhat in ka hal lai,ngah ma ? "
" Imm, ka hal ko "
" Khi, na cakuat kha ka fiang lo i na ka chim kho hnga
ma ? "
" Imm, chimh khawh ko e, khoika te kha ?"
" Catlap pahnihnak kha le pathumnak kha "
" Aw……, mah ca ka rak `ial lio ahkhan kan rak ngai tuk.
Ka celh bak ti lo. Hmuh kan duh tuk nain kei nih biafak taktak in kan rak inti
caah na sinah kir dingin ka sining nih atlinh lo caah a pakhatnak kha ka rak
`ial mi asi. Apahnihnak kha cu, zei
ruangah dah na ka `hen tiin kan inn ah rat in a ka hal men lai kan ti nain na
rak ra lo. Kha lio caan ahkhan rak ra law cu tu bantukin pakhat le pakhat kan i
ngai hnga lo. Nain cu ngaihnak dingin lam asial hmasa tu cu keimah ka si caah
sual hrim kan phaw ngam lo. Cun, "
Abia apeh hnik nain, ka sum kho ti lo. Ka ngai tuk. Ruat ko
hmanh uh mah tluk a duh i adaw veve mi kan pahnih kan i `hen, pakhat le pakhat
ton duh ko zongah kan i tong kho lo. Ka celh ti lo. Feek tein ka kuh i ka
`angnem ah ka thlim.
" Ka dawt, zaangfah tein kan nawl. Tunai bia kan
halmi kha ka let `han. Cu nak cha cun,
pakhat le pakhat ngaihthiam i hal lo tein um sih. I theithiam sih. "
" Ka lawm tuk ka `a, ka sining na ka theihthiam hlei
ah, na ka cohlan caah ka lawm tuk " a mitthli ahaa thluahmah ka theih
caah,
" Aaa, ticun ti ding si lo. Nain, mu sual puh bak cu na
ho ko ka ngaithiam " tiin ka ti i ka hnamh ko. Ahmur `hial nak caan te
hmanh ka pe lo. Aruang cu,
" Na thei ma, nang hi na sual tuk "
" Zeitin ka `a, zeidah ka sual "
" Hi ka zoh, ka pum ah pakhat khat tal achanbau ti na
ruat lo maw , na pum he na ka hlat deuh caan ahhin "
" He, zeitin ka `a ka fiang lo. "
" Si, A hlan ahkhan cun nang nih ka thinlung kha na fir
na ka ti. Nain, tucu thinlung afir taktak tu cu keimah ka si ti lo. Nangmah na
si cang. Cu caah, ka thinlung ah nang he ahlat nak ahcun chia sual hlah mu,
"
" Ai! Keimah ka si lo. A fir taktak cu, nang na si zoh
hi " tiin aka ti i, ka `angnem ah ai beng.
Cu ahcun thlapa nih hmaipanh tein arfi pawl a khomh hna i thinlung mifir
kawl ti lo dingin nawl achuah caah, cu zaan thawk cun, Thinlung mifir pahnih cu
thawngin khan khat ah chan dongh tiang chuah `han ti lo dingin thawngthlak kan
si cang. " Thinlung Himnak Thawnginn."
Thinlung Mifir.
10/29/14 ( Edit – 8:41 AM)
Chungkuh
www.chungkuh.blogspot.com
Like it..Happy Ending .FIGHTING N KEEP GOING
ReplyDelete