Hor Kuang

Tukum cu capar tbk in pakhat hmanh ka ttial kho lo. Ka blog zong a dai kho taktak. Atu hi kan sianginn khar zong a vun si cang caah capar pakhat kan vun ttial. A ka rel piakmi nan dihlak cungah ka lawm.

Hor Kuang

Theihternak : Kei hi nan ka theih bantukin mino fimnak a cawng lio mi ka si. Cun zeihmanh thiamnak a ngei lo mi ka si. Cu tikah a tanglei tuanbia hi a tlak ningin ka lehmi a si. A thiam ter a ka timi a zatzat an um lai. Cu lio caan ahcun hi bantukin a kan leh piakmi cu a ka timi pakhat tal nan um ahcun nan cungah lawmhnak tampi ka ngei. Cun a thiamter a ka ti mi pawl zong ka caah, palhnak chim tu saya tha nan si ve.

     Cu caah, ka thiamter cu a si lo nain mino nih upa cheu khat bia kan ngeih duh lo caah ka ttial hnawh chan a si. A bik in keimah kaa ttial hnawh chan mi a si.

******   ************                                   **************

Zawnruah nak zong a ngei lo, a mah caan vial ah a duh ning in a um i kan mah caan vial ah mah kha tuah hlah uh mu, ti hi um hlah uh, hi tin nan tuah mi hi nan palh tiin a kan ti, zawnruah nak a ngei lo mi upa pawl hi ka huat tuk hna.

" Mah lio caan ahhin cun, nungak ngeih lo ding a si hi mu "

An mah lio caan vial ah an rak ngei i, kan mah caan vial ah ngei hlah uh a kan ti.

" Nan tha thu hlah seh mu,nan thathut cun fimnak nan ngei lai lo "

 An nih zong cu, kan mah tia an si lio ahcun an thathu ve ko cu, a si ko lo ma ?

" Phaisa kha i khawm uh, a herh lo ah hmang tuk hlah uh "

Eh! A cutluk bia chim that cu, an nih phaisa an rak i khawm lo i pei a tu bantuk in kan nih kan har hi

" ka fa, zuu cu ding hlah mu "

Ka pa, ka haw ah zuu haw he cun kei cu a rak ka cawmpiak len hna.

" ka fa, kuak zong zuu hlah mu "

Aleh! A angki zal chungah cun Ruby bawm he zei he cun a rak ka chim len hna

          Ti pawl in, mino hna lungthin ah lungtlin lonak tampi a um. Upa pawl nih chim mi, cawnpiak mi pawl kha zeihmanh ah an rel lo. An nih lio vial ah timi lungput an ngei.

 Cu caah, cu bantukin mino hna caah kei tawnbia pakhat in kan chim ta ko hna lai mu

****************88888888

Hlan lio ah ti a si. Sui, Ngun tampi a um nak hmun a um ti a si.  Cu ka hmun ahcun sui, ngun chaw va a hawl len mi pawl zong an rak um ve ti a si. Ni khat cu, ruah faak pi in a sur ti a si. Ruah zong cu a tek taktak i, lei hna zong a mim i ti zong a lian. Thingkung hna zong an kiak . cu lio caan ahcun tiva hme pakhat kiang ( kam ) ah tikhor phun hor a um ti a si. Cu hor chungah ucn a tleu mi tete an hmuh ti a si. Cu hor tlang cungin cun a rak zoh i

" Aaa.. hor chungah a tleu dih khi , cun a ceu fawn  i sui pawl an si ko lai "

" A si lai lo, Daimond pawl an si lai "

" a si lai lo, hlan lio chan ah thil an rak hman mi pawl a si lai "

" haha…..haha kan nih kan kawl mi ngun khor kan hmuh cang " tiin pakhat nih a ti. Pakhat nih a dang dang cio in an i nuamh hna i an mit ahcun duhfah nak  lawngin Hor chung cu an zoh hna.

     Cu lio caan ahcun, mi pakhat nih a chim pah khin hor kuang chung ahcun ttum aa tim i

" Hey, ttum hlah ngat! Kei ka ttum hmasa lai kei mah pei ka phan hmasa cu "

" Zeitin a si khawh lai, cu tin a si ahcun keimah pei a ttum hmasa ding ka si cu "

" hi khor kua cu, nangmah hlan ah pei ka phan hmasa cu,keimah ka ttum hmasa lai " tiin bia an i el lio ah pakhat pa cu holh lo zei loin hor chung lei ahcun a ttum cang.

      Hor chung lei a rak phak cu, a tleu taktak mi a ceu mi hna kha  sui le ngun le hlan lio chan an rak man mi cu si loin ruuul lawng t an rak si. A tleu mi tiin an rak hmuh mi kha rul pawl an mit lawngte an si

     Cu tikah cun hor chung a phan mi nih cun " Hey…… nan za tein rk ttum hlah uh, kan nih kan rak hmuh mi pawl kha sui le ngun an si lo. Rul lawng te an si. Rul mit lawng te an si , rak tum hlah uh, kei cu hi kaa hin rul nih a ka cuk len cang " tiin a au .

       Hor kuang chung a phan mi pa bia cu an zum lo. Cu tluk haakauh cu a mah lawngte in i laak dih a duh i a si ko lai hi tiin zumh loin pakhat pa cu a ttum ve. Cu tikah cun

    " A si, kan nih kan rak hmuh pawl kha sui pawl an si lo. Rul pawl mit lawngte an si. Rak ttum hrimhrim hlah uh " tiin a rak au than.

        Nain , an mui hmanh si hlahseh. Zeitin dah a si khawh lai mah vialte sui cu an mah lawng co ding cu a si kho lo an ti i an ttum ve. Cu tikah cun an zapi tein an thi dih ti a si.

         ******                         *************

Cawnpiak Nak -  Upa ti mi cu, rul pawl i an mit kha sui pawl tiin ruah in hor chungah a rak ttum hmasa tu kha an si. An nih, kha rul nih a cuk hna hi hor chungin cun rak ttum hlah uh tiin a ti hna nain, mino pawl nih cun kan ttum ve chunh tuah lai cu an ti lai cu.

       Hngakchia timi cu, palhnak ti mi kha zeitin dah ka palh khawh lai tiin a kawl i a um mi pawl khi hngakchia ti a si.

    Mino timi cu palh nak kha palh nak a si ti theih loin palhnak kha a dik mi thil ah ruah in cu palhnak ahcun aa nuam ko mi kha mino pawl an si.

     Upa timi cu, theih loin tuahsual mi palhnak, a dik ko tiin tuahsual mi palhnak kha a dik mi ah thlen duh in hnu ah palh than mi palhnak, a hman lo timi theih ko buin zei san a tlai lo tiin tuah chih mi palh nak  pawl kha thinlung ah i uam in palhnak vailte kha ngaihchih nak in a nung pi mi pawl kha Upa ti a si.

Biatak tein cun, Upa pawl nih chim cawmpiak mi kha mino pawl nih theithiam, hngalthiam hna seh ti duhah ka chim mi a si. Cu i, na  ka zumh lo sicun cu har nak hor kuang chungah cun hei ttum chunh ve ko

Ref: Shwe Mandalay Journal

 No. (265 ) /9.6.2008  ( U Bung )

Lunglawmhnak he,

Salai Van Bawi Mang

Chungkuh

09252460717