Mr.Interview Bawi he Biaruahnak

** Mr.Interview Bawi he Biaruahnak **

Interview Bawi = C
Biaruahtu = B

B = Tu bantukin biaruahnak caan na kan pek caah kan i lawm tiin chim hmasa ka duh.
C = Aw, kei zong ka manh lio caan te ah ka caan nan fir khawh caah nan hmai kan khap hna lo ti chim hmasa ka duh ve.

B = Zei ruangah dah khrihfa mi hna hi pumh hram thok nak tiin thlacam khi kan hman?
C= Pumh thok hlan ah thlacaam a hmang lo mi caah a si ko hen cu.

B = Sicun, A donghnak thlacaam hi ta ?
C = Hal a ho lo nain na ka hal caah kan leh ko hme lai teh. '' A nunnak suallam a hngalh lomi caah a si ko hen cu ''.

B = Tu lio hrawng ,duhnak kongkai lei ah a buai ngai an in ti.Zei ruangah dah na kan chim kho hnga maw?
C = Aw, Duhnak cu man lo in hman mi a si cu na theih ko lai dah. Nain tu kan chan hi cu Duhnak hi a man rumro in cawk kan i timh caah ti hi kan leh khawh tawk a si.

B = Cun, Huatnak kongkai lei hi sermon a tuah pah tawn an in ti. Cu cu teh na kan fianh kho hnga maw ?
C = Tuah pah ko. Zei ruangah ti ahcun Huatnak hmual hi ka ton ve caah a faak tuk i cu hnu cun ka chim ve. Cu cu ka ruat i mah huatnak hram aa thok nak hi thinhung nak in a chuak mi a si ti ka ruah caah a si.

B = Mi kongceih a huam tuk mi hna khi zeitin dah na hmuh hna ?
C = Mah hi cu kan leh ngamh pah lo nain thli chia a hrang lai ti kan theih
cia si cun timhcia kan hau caah ka chim ve ko ne lai teh. '' Mah le mah thlanglang aa bih tikah a mah a hmu lo mi an si '' ka ti hna.

B = Hngakchia cawnpiak nak kongkai lei hi tah zeitin dah na hmuh ning a si ?
C = Na ka hal mi hi kan laimi kong theotheo na ka hal lai tiah ka zumh. Kan nih laimi hngakchia kan cawnpiak nak hi ka uar theng lo.

B = Zei ruangah ?
C = A ruang cu ka thei lo nain ka uar lo ti cu kaa fiang. Nu va i sik ruangah fa le cungah thinhung in '' Na pa/nu ui co pa/nu sinah khin va kal! " ti hna kan hman mi hi ka uar lo. Cun kan far le kan cawnpiak hna tik i '' Nungak thiam tuk hlah mu '' ti pawl khi ka uar lo.

B = '' Nungak thiam tuk hlah mu '' ti cu na uar lo nak kong na kan chim kho hnga maw ?
C = Ka hei uar lo nak cu, kan sin i a kan tlaihchan caah a kan nuar hnawh mi hna khi hei aipuan in kan ti hna .Cu kan bia ruangah hngakchia nih an ruah cawlh mi cu nungak thiam cu zeidah si ti kha a si. (Hngakchia cu a saupaw duh taktak mi an si ). Cu caah mah bia ruang tu ah hin nungak an si lo nain nungak nawl an i cawn chin nak a si. 

B = A Tu lio i a lar ngai mi ' Facebook ' hi kan laimi caahzeitin dah na hmuh ning a si ?
C = Um, mah kong na ka hal cu kaa pahrung pah ko nain ka hmuhning cu langhter a hau tiin ka ruah caah. '' Hi facebook hi cu kan laimi hnakruh a si ''

B = Zei ruang theng ah dah ?
C = Na bia hal mi ah '' zei ruang ''ti cuu na hei uar ngai ve hih. A ruhtum hna chap na hau chih men lai hih. Hi ka ti nak cu kawlpa sinah voikhat tein ka cuahnak a si ka hei ti ko lai ta. Zeiruangah ti ahcun kan nih laimi zeiruangah dah hi facebook ah hin hi tluk in kan pil i kan i nuamh. Hi facebook chungah hin laimi mitam u cu kan i funtom nak hmun a si. Aa hmu bal a thei bal lo zong kan i theih nak hmun a si i then nak caan a sau mi rualpi hawi zong he ton than nak hmunhma a si. Cun hi chung zongah hin kan duh mi poah kan chim i kan tial. A chel caan ah kan i si hna. A cheu cu hi facebook chungin an i duh i biaza za an chim ti. A dang a ruang cu a tampi ko lai kei mah na kal nak cun na hman ve caah kei nakin na theih deuh lai ti ka zumh. 

B = Bia dangah capo a chim pah tawn an in ti i pakhat tein na kan chim kho hnga maw ?
C = Hehehe ,Na chim duh mi cu nihnak capo khi a si theo lai dah. Cu caah kan chimh ko lai ta. Hi na bia halnak kan leh mi pawl hi rel law na ni ko lai.

B = Aw hi bantukin caan na kan peek caah kan i lawm tuk. A donghnak ah biaca'h na duh mi a um maw carel tu sinah ?
C = A um theng lo nain, nangmah tu kan caah lai. Ri khiah mi lam cu zulh a har tuk ti kha philh hrimhrim hlah mu.

  Lunglawmhnak he,
Salai Van Bawi Mang


Notes : A cunglei biaruahnak hi cattial tu ruahnak lawngte a si.